Komin á moggablogg

Nú hef ég flutt mig hingað af gamla blogginu mínu. Það hefur ekki verið mikið bloggað undanfarið, þó ekki hafi vantað áhugaverð málefni. Til dæmis að fólk sem hefur grætt mikla peninga hratt er farið að tapa sömu peningum enn hraðar sem er auðvitað slæmt.  Svo hefur það komið á þá bera í Grindavík að það snjóar á Íslandi í janúar! Svona streyma ávallt til manns fréttir sem hægt er að hafa skoðanir á.  

 En við hér í húsi höfum haft það náðugt um helgina og nutum lífsins í sameiginlegu sumahúsi allra starfsmanna Hafnarfjarðarbæjar um helgina.  Þetta er frábært hús í Skorradal. Þar var snjór yfir öllu og Skorradalsvatn ísilagt og rennislétt.  Unaðslega fallegt.  Sem sagt frábær helgi með manni,börnum og barnabörnum, heitum potti og einu stóru lambalæri og rauðvínsflösku.

Athugasemdir

[Lára Hanna Einarsdóttir, 14.1.2008 kl. 22:28]

Velkomin á Moggabloggið, Ása mín Björk. Mikið hlakka ég til að lesa gullkornin þín hér!

[Sigrún Valdimarsdóttir (IP-tala skráð) 14.1.2008 kl. 22:30]

Og ég vissi ekki einu sinna af gamla blogginu þínu!

Það veit ég að ég verð ekki svikin af skemmtilesningu nú þegar ég hef bætt þér við á "must read" blogglistann.

[Sonurinn (IP-tala skráð) 14.1.2008 kl. 23:32]

Það er vonandi að það verði þá eitthvað skrifað meira hérna en á hinu

Kveðja, Sonurinn

[Lára Hanna Einarsdóttir, 15.1.2008 kl. 00:11]

Minn sonur kallar sig líka "Soninn" þegar hann sendir mér póst eða slíkt. Örvar... komdu bara hingað líka, því fleiri því skemmtilegra!

[Sonurinn (IP-tala skráð) 16.1.2008 kl. 21:34]

Hér eru greinilegar blogharðsperrur ... ein færsla og svo ekkert meir þar til fingurnir losna við strengina ;)

[Ása Björk Snorradóttir, 17.1.2008 kl. 22:28]

Hva! það er þennig að allir geti verið við tölvuna alltaf!